रोज उठून ब्रेकफास्टला काय करायचे, हा कोणत्याही घरात पडणारा प्रश्न. कांचन बापट यांनी मात्र, आपली या प्रश्नातून सोडवणूक केली आहे. वर्षभर पुरतील अशा ब्रेकफास्टच्या पाककृती त्यांनी या पुस्तकात दिल्या आहेत. त्याही पौष्टीक. विविध प्रकारचे पराठे, धिरडी, सँडविचेस, उत्तप्पा, ढोकळा, पोहे, शिरा, दल, मुठिया अशा पदार्थाबरोबरच पास्ता, केक, मफिन्स असे पाशात्य पदार्थ करायलाही शिकवले आहे.
कांचन बापट यांचे दुसरे पुस्तक सहा महिने ते पाच वर्षापर्यंतच्या मुलांसाठी पौष्टिक पदार्थांचे आहे. या पुस्तकात त्यांनी वयानुसार भाग केले आहेत. सहा महिने ते एक वर्ष या विभागात तांदूळ, मुगडाळ, गजर, टोमॅटो, नाचणी, ओट्स, सातू यांपासून बनवलेले पदार्थ. एक ते दोन वर्ष वयाच्या मुलांना भाताचे प्रकार, वेगवेगळ्या खिरी, सांजा पॅनकेक. दोन ते तीन वर्ष वयाच्या मुलांसाठी अंडी, पराठ्याचे प्रकार आणि तीन ते पाच वर्ष वयाच्या मुलांसाठी पास्ता, टिक्का, भाजी, इडली, डोसा हे पदार्थ करायला शिकवले आहेत.
प्रकाशक : मेनका प्रकाशन
पाने : १३२
किंमत : १९९ रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)
